Rossiyalik harbiy xizmatchi Suriyada otishma natijasida halok bo‘ldi

Rossiyalik harbiy xizmatchi Anton Yerigin Suriyaning Xoms provinsiyasida og‘ir jarohatlar oldi va kasalxonada vafot etdi. Bu haqda Rossiyaning Suriyadagi Xmeymim bazasi vakiliga tayanib, “TASS” xabar berdi.

“Xoms provinsiyasida Rossiyaning dushman tomonlarni yarashtirish markazi avtomobillariga hamrohlik qilish bo‘yicha topshiriqlarni bajarish chog‘ida jangarilar tomonidan o‘q yog‘dirilishi natijasida rossiyalik harbiy xizmatchi Anton Yerigin og‘ir yaralandi. Yarador harbiy xizmatchi tezkorlik bilan gospitalga yetkazildi, u yerda rossiyalik harbiy shifokorlar ikki kecha-kunduz davomida Antonning hayoti uchun kurash olib bordi, ammo uning jonini saqlab qolish iloji bo‘lmadi”, — dedi Markaz vakili.

Qo‘mondonlik harbiy xizmatchini vafotidan keyingi davlat mukofoti uchun tavsiya etdi.