Futbol bo‘yicha Angliya Premyer-ligasining 36-turiga kelib chempionlik poygasidan tushib qolgan “Tottenhem”, 37-turdan keyin kumush medallar masalasini ham xavf ostida qoldirdi.
“Uayt Xart Leyn” stadionida “Sautgempton”ni qabul qilgan “Tottenhem” 1:2 hisobida imkoniyatni boy berdi. 8-may kuni Toshkent vaqti bilan 20:00 da boshlanadigan 37-turning markaziy o‘yinida “Arsenal” zafar qucha olsa, ochkolar soni bo‘yicha “Tottenhem”ga yetib oladi.
Ma’lumot uchun, Premyer-liganing so‘nggi turida “Arsenal” elita bilan xayrlashgan “Aston Villa”ni qabul qilsa, “Tottenhem”ni APLda qolish uchun kurashayotgan “Nyukasl”ga qarshi safar o‘yini kutib turibdi.
37-turga kelib Premyer-ligada chempionlikni qo‘lga kiritgan va so‘nggi o‘rinni band etgan jamoa nomi aniq bo‘lib ulgurgan. Qolgan o‘rinlar masalasi faqatgina so‘nggi turda hal bo‘ladi.
Angliya Premyer-ligasi 37-tur bellashuvi 8-may, yakshanba
Izoh (0)