2005—2015-yillar davomida Qozog‘istonga 222 milliard dollar to‘g‘ridan-to‘g‘ri xorijiy investitsiyalar jalb etilgan. Bu haqda mamlakat investitsiyalar va taraqqiyot vazirligi investitsiyalar qo‘mitasi raisi Yerlan Xairov ma’lum qildi, deya xabar beradi Kazakhstan Today.
Xairovning bildirishicha, jalb etilgan investitsiyalar umumiy hajmidan 26,4 foizi yoki 58,8 milliard dollar tog‘-kon sanoati hissasiga to‘g‘ri keladi. Bundan 47,5 milliard yoki 80,8 foizi neft va tabiiy gaz qazib olishga yo‘naltirilgan. Professional, ilmiy va texnik faoliyatga 36,9 foiz yoki 82,7 milliard dollar (ulardan 72,7 milliard georazvedka va qidiruv ishlari uchun) ajratilgan.
Ulgurji va chakana savdoga esa 19,3 milliard yoki investitsiyalar umumiy hajmining 8,7 foizi sarflangan.
Izoh (0)