“Borussiya M” bilan durang o‘ynagan “Bavariya” muddatidan avval Germaniya chempioni bo‘lish imkoniyatini qo‘ldan chiqardi

Germaniya chempionati 32-turidan o‘rin olgan bir qator uchrashuvlar o‘z nihoyasiga yetdi, deb xabar beradi “Sports.ru”.

Jumladan, “Bavariya” o‘z maydonida Myonxengladbaxning “Borussiya” futbolchilariga qarshi bahs olib bordi. Mazkur o‘yinda 1:1 hisobi qayd etildi. Uchrashuvdan so‘ng ochkolar sonini 82 taga yetkazib olgan Xosep Gvardiola shogirdlari muddatidan avval Germaniya chempioni bo‘lish imkoniyatini qo‘ldan chiqardi.

Shuningdek, chempionlik uchun kurash olib borayotgan Dortmundning “Borussiya” klubi 32-turda “Volfsburg”ga qarshi o‘ynadi. Ushbu o‘yinda dortmundliklar 5:1 hisobida yirik g‘alabani qo‘lga kiritdi. Tomas Tuxel shogirdlari ochkolar sonini 77 taga yetkazib oldi.

Qayd etish joiz, Germaniya chempionati 34 turdan iborat bo‘lgani uchun “Borussiya” Dortmund klubi nazariy jihatdan chempionlik uchun kurashish imokniyatini saqlab qoldi.

Germaniya chempionati, 32-tur

“Borussiya” Dortmund – “Volfsburg” 5:1 (2:0)

“Borussiya” Dortmund – Byurki, Xummels, Shmelser, Pishchek (Durm, 63), Vaygl (Shaxin, 69), Kastro, Bender, Kagava, Mxitaryan, Roys, Ramos (Obameyang, 69).

“Volfsburg” – Benalo, Naldo, Shefer, Tresh (Viyeyrinya, 80), Knoxe, Gilavogi, Luis Gustavo, Arnold (Kruze, 71), Kalijuri, Shyurrle, Dost (Seguin, 81).

Ogohlantirishlar: Vaygl (44), Roys (53).

“Bavariya” – “Borussiya M” 1:1 (1:0)

“Bavariya” – Noyer, Benatiya, Boateng (Alaba, 68), Tashchi (Duglas Kosta, 77), Bernat, Gyotse (Alkantara, 62), Rode, Koman, Kimmix, Rafinya, Myuller.

“Borussiya” Myonxengladbax – Zommer, Elvedi, Kristensen, Vendt, Traore (Xerrmann, 61), Jaka, Nordtveyt, Xan, Daud, Azar (Shtindl, 57), Raffael (Xofmann, 90).

Ogohlantirishlar: Tashchi (18), Rode (22), Elvedi (77).

“Mayns” – “Gamburg” 0:0 (0:0)

“Darmshtadt” – “Ayntraxt” Frankfurt 1:2 (1:0)

“Gannover 96” – “Shalke-04” 1:3 (1:2)

“Xoffenxaym-1899” – “Ingolshtadt-04” 2:1 (1:1)