La Liga, 35-tur. “Vilyarreal” ketma-ket uchinchi o‘yinda zafar qucha olmadi

Futbol bo‘yicha Ispaniya La Ligasining 35-turida “Vilyarreal” 2 ochko yo‘qotdi. Avvalgi ikki turda klub raqiblariga imkoniyatni boy bergandi.

Yevropa Chempionlar Ligasiga yo‘llanma beruvchi so‘nggi o‘rinni egallab turgan “Vilyarreal” hisobida 61 ochko bor. 25-aprel kuni Vigoning “Selta” klubi “Granada”ni taslim qilsa, ochkolari sonini 57 taga yetkazib oladi.

Mazkur turda, shuningdek, “Atletik” hamda “Valensiya” klublari ham 2 tadan ochko yo‘qotdi. Bilbao klubi so‘nggi o‘rinda borayotgan “Levante” qarshiligini sindira olmagan bo‘lsa, valensiyaliklar 19-pog‘onadagi “Xetafe” bilan o‘yinda mag‘lubiyatdan qutulib qoldi.

Ispaniya La Ligasi 35-tur bellashuvi 23-aprel, shanba

“Eybar” — “Deportivo” 1:1

Gollar: Adrian Gonsales, 8 (1:0). Federiko Kartabiya, 71 (1:1).

24-aprel, yakshanba

“Levante” — “Atletik” 2:2

Gollar: Viktor Kasadesus, 13 (1:0). Xavyer Echeyta, 68-avt (2:0). Markel Susayeta, 88 (2:1). Mikel San-Xose, 90+1 (2:2).

“Sevilya” — “Betis” 2:0

Gollar: Kevin Gameyro, 67 (1:0). Koke, 80 (2:0).

“Xetafe” — “Valensiya” 2:2

Gollar: Daniyel Parexo, 48 (0:1). Alvaro Medran, 59 (1:1). Stefan Shepovich, 68 (2:1). Pako Alkaser, 84 (2:2).

“Vilyarreal” — “Real Sosyedad” 0:0

25-aprel, dushanba“Selta” — “Granada”