Kecha, 23-aprel kuni Rossiyaning Ulyanovsk shahridagi “Volga-Sport-Arena” muz saroyida Butunjahon boks seriyasining (WSB) VI mavsum chorak finalida O‘zbekistonning Uzbek Tigers bokschilari Rossiyaning Russian Boxing Team jamoasiga qarshi ikkinchi jangini o‘tkazdi, deb xabar beradi “Sports.uz”.
Jamoalar o‘rtasida o‘tkazilgan dastlabki jangdagi singari, ikkinchi jangda ham Uzbek Tigers bokschilari 3:2 hisobida zafar quchdi. Ikki bellashuv natijasiga ko‘ra 6:4 hisobi qayd etildi va ushbu turnir debyutanti Uzbek Tigers yarim finalga chiqdi.
Russian Boxing Team — Uzbek Tigers — 2:3
-52 kilogramm: Vyacheslav Tashkarakov – Shahobiddin Zoirov – 0:3 (45:50, 45:50, 45:50).-60 kilogramm: Jamal Badrutdinov – Elnur Abduraimov – Abduraimov 2-raundda texnik nokaut bilan g‘alaba qozondi.
-69 kilogramm: Albert Karibyan – Shahram G‘iyosov – 3:0 (48:47, 48:47, 48:47).
-81 kilogramm: Imam Xatayev – Shuhrat Abdullayev – 3:0 (48:47, 49:46, 48:47).
+91 kilogramm: Andrey Afonin – Mirzohidjon Abdullayev – 0:3 (45:50, 45:50, 45:50).
Yarim finalda Uzbek Tigers bokschilari Kubaning Cuba Domadores jamoasiga qarshi bahs olib boradi. Qayd etish kerakki, kubaliklar yakkalik bahslarida g‘alaba qozonish bo‘yicha eng yaxshi ko‘rsatkichga ega. Ular 40 ta jangning 37 tasida zafar quchgan bo‘lsa, o‘zbekistonlik bokschilar 40 tasidan 28 tasida g‘alaba qozongan.
Butunjahon boks seriyasi (WSB) ikkinchi yarim finalida turnirning amaldagi g‘olibi Qozog‘istonning Astana Arlans bokschilari Buyuk Britaniyaning British Lionhearts jamoasiga qarshi jang o‘tkazadi.
Izoh (0)