Кеча, 23 апрель куни Россиянинг Ульяновск шаҳридаги «Волга-Спорт-Арена» муз саройида Бутунжаҳон бокс сериясининг (WSB) VI мавсум чорак финалида Ўзбекистоннинг Uzbek Tigers боксчилари Россиянинг Russian Boxing Team жамоасига қарши иккинчи жангини ўтказди, деб хабар беради «Sports.uz».
Жамоалар ўртасида ўтказилган дастлабки жангдаги сингари, иккинчи жангда ҳам Uzbek Tigers боксчилари 3:2 ҳисобида зафар қучди. Икки беллашув натижасига кўра 6:4 ҳисоби қайд этилди ва ушбу турнир дебютанти Uzbek Tigers ярим финалга чиқди.
Russian Boxing Team — Uzbek Tigers — 2:3
-52 килограмм: Вячеслав Ташкараков – Шаҳобиддин Зоиров – 0:3 (45:50, 45:50, 45:50).-60 килограмм: Жамал Бадрутдинов – Элнур Абдураимов – Абдураимов 2-раундда техник нокаут билан ғалаба қозонди.
-69 килограмм: Альберт Карибян – Шаҳрам Ғиёсов – 3:0 (48:47, 48:47, 48:47).
-81 килограмм: Имам Хатаев – Шуҳрат Абдуллаев – 3:0 (48:47, 49:46, 48:47).
+91 килограмм: Андрей Афонин – Мирзоҳиджон Абдуллаев – 0:3 (45:50, 45:50, 45:50).
Ярим финалда Uzbek Tigers боксчилари Кубанинг Cuba Domadores жамоасига қарши баҳс олиб боради. Қайд этиш керакки, кубаликлар яккалик баҳсларида ғалаба қозониш бўйича энг яхши кўрсаткичга эга. Улар 40 та жангнинг 37 тасида зафар қучган бўлса, ўзбекистонлик боксчилар 40 тасидан 28 тасида ғалаба қозонган.
Бутунжаҳон бокс серияси (WSB) иккинчи ярим финалида турнирнинг амалдаги ғолиби Қозоғистоннинг Astana Arlans боксчилари Буюк Британиянинг British Lionhearts жамоасига қарши жанг ўтказади.
Изоҳ (0)