Yevropa Parlament Assambleyasi “Savchenko sanksion ro‘yxati”ni joriy etish haqida rezolyutsiya qabul qildi

Yevropa Kengashi Parlament Assambleyasi “Savchenko sanksion ro‘yxati”ni joriy etishni ko‘zda tutuvchi rezolyutsiyani ko‘pchilik ovoz bilan qabul qildi. Bu haqda “RIA Novosti” xabar bermoqda.

Ro‘yxatga Ukraina fuqarosi, harbiy uchuvchi Nadejda Savchenkoni tutishda va Rossiyada sud qilib, qattiqqo‘l hukm o‘qishda ishtirok etganlarni kiritish nazarda tutilgan. Rezolyutsiyada aytilishicha, Savchenko darhol ozod qilinmagan taqdirda ro‘yxat kuchga kiradi.

Shuningdek, Assambleya Litvada qabul qilingan, 46 kishi kiritilgan “Savchenko ro‘yxati”ni qo‘llab-quvvatladi.

Ilgariroq Yevroparlament deputatlari Yevroittifoq tashqi siyosiy muassasasi rahbari Federike Mogeriniga yo‘llagan murojaatida Putin va yana 28 kishiga qarshi sanksiyalar kiritishni so‘ragan edi.