Европа Кенгаши Парламент Ассамблеяси «Савченко санкцион рўйхати»ни жорий этишни кўзда тутувчи резолюцияни кўпчилик овоз билан қабул қилди. Бу ҳақда «РИА Новости» хабар бермоқда.
Рўйхатга Украина фуқароси, ҳарбий учувчи Надежда Савченкони тутишда ва Россияда суд қилиб, қаттиққўл ҳукм ўқишда иштирок этганларни киритиш назарда тутилган. Резолюцияда айтилишича, Савченко дарҳол озод қилинмаган тақдирда рўйхат кучга киради.
Шунингдек, Ассамблея Литвада қабул қилинган, 46 киши киритилган «Савченко рўйхати»ни қўллаб-қувватлади.
Илгарироқ Европарламент депутатлари Евроиттифоқ ташқи сиёсий муассасаси раҳбари Федерике Могеринига йўллаган мурожаатида Путин ва яна 28 кишига қарши санкциялар киритишни сўраган эди.
Изоҳ (0)