Avstraliya o‘tgan yili mamlakatga ko‘chib kelgan dollarli millionerlar soni bo‘yicha dunyoda yetakchiga aylandi. Bu haqda New World Wealth konsalting kompaniyasi tadqiqotlari natijalariga tayanib, “Interfaks” xabar bermoqda.
Avstraliyaga kelgan badavlat kishilar soni taxminan sakkiz ming nafarni tashkil etdi, natijada ularning umumiy soni 290 mingga yetdi.
Reytingda keyingi o‘rinlarni AQSh (7 ming millioner kelgan, umumiy miqdori 4,18 millionga yetgan), Kanada (5 ming millioner kelgan, umumiy soni 292 ming), Isroil (4 ming millioner, umumiy soni 71,7 ming), BAA (3 ming millioner kelgan, umumiy soni 72,1 ming) va Yangi Zelandiya (2 ming millioner kelgan, umumiy soni 89 ming) egalladi.
Aksincha, mamlakatni tark etgan millionerlar soni bo‘yicha Fransiya yetakchilik qildi, o‘tgan yili u yerdan o‘n ming nafar millioner ko‘chib ketgan, natijada ularning soni 323 mingga tushib qolgan. Undan keyingi pog‘onalarda Xitoy (9 ming kishi ketgan, 654 ming qolgan), Italiya (6 ming, 305 ming), Hindiston (4 ming, 236 ming), Gretsiya (3 ming, 55 ming), Rossiya (2 ming, 127 ming) joylashdi.
Izoh (0)