Ўзбекистон Журналистлари ижодий уюшмаси (ЖИУ) 3 май — Жаҳон матбуоти эркинлиги кунига бағишлаб, Журналистларни қайта тайёрлаш маркази билан ҳамкорликда «Олтин қалам» XI Миллий мукофоти учун халқаро танлов ўтказмоқда.
Танловга 2015 йилнинг 31 мартидан 2016 йилнинг 31 мартигача — бир йил давомида газета ва журналларда чоп этилган, радио орқали эфирга узатилган ҳамда телевидениеда кўрсатилган ва интернет нашрларида берилган материаллар 2016 йилнинг 10 апрелигача қабул қилинади.
Танлов ғолиблари учун қуйидаги мукофотлар таъсис этилган:
- Журналистика соҳасида бош миллий мукофот.
- Энг яхши журналистик материал учун миллий мукофот (телевидение – 1-, 2-, 3-ўринлар);
- Энг яхши журналистик материал учун миллий мукофот (радио – 1-, 2-, 3-ўринлар);
- Энг яхши журналистик материал учун миллий мукофот (босма ОАВ – 1-, 2-, 3-ўринлар);
- Энг яхши журналистик материал учун миллий мукофот (интернет-журналистика – 1-, 2-, 3-ўринлар).
Шунингдек, танловда Ўзбекистон Хотин-қизлар қўмитаси, Ўзбекистон Касаба уюшмалари Федерацияси кенгаши, Ўзбекистон Мустақил босма ОАВ ва ахборот агентликларини қўллаб-қувватлаш ва ривожлантириш Жамоат фонди, ЮНЕСКОнинг Ўзбекистондаги ваколатхонаси, БМТнинг Ахборот офиси, «Ҳудудий мулоқот» (Словения), USAID’нинг Ўзбекистонда сил касаллигига қарши кураш бўйича дастури, Германия Халқ университетлари DVV International халқаро ассоциациясининг Ўзбекистондаги ваколатхонаси рағбатлантирувчи номинацияларда ўз мукофотларини таъсис этган.
Танлов ғолибларини тантанали мукофотлаш маросими 2016 йил 3 май — Жаҳон матбуоти эркинлиги куни «Туркистон» саройида ўтказилади.
Танлов ҳақида, унинг шартлари ва талаблари ҳақида батафсил ахборотни ЖИУ сайтида олиш мумкин.
Изоҳ (0)