2014-yilda “Liverpul” klubidan “Barselona” jamoasiga o‘tgan urugvaylik hujumchi Luis Suaresning transfer to‘lovi shartlari haqida ma’lumotlar paydo bo‘ldi, deb xabar beradi “Sports.ru”.
Football Leaks’ning xabar berishicha, Suaresning umumiy transfer qiymati 82 millionga yevroga teng bo‘lgan. Tomonlar kelishuviga ko‘ra, kataloniyaliklar umumiy transfer qiymatini besh qismga bo‘lgan holda, 16 million yevrodan to‘lashi kerakligi ma’lum bo‘ldi.
Transfer qiymatining birinchi qismi 2014-yilning 31-iyuliga qadar, ikkinchi qismi 2015-yilning 31-yanvariga qadar, uchinchi qismi 2015-yilning 31-iyuliga qadar, to‘rtinchi qismi 2016-yilning 31-yanvariga qadar va nihoyat, to‘lovning so‘nggi qismi 2016-yilning 31-iyuliga qadar amalga oshirilishi kerak.
Ma’lumot uchun, joriy mavsumda Luis Suares Ispaniya chempionatida 28 o‘yin o‘tkazib, 26 ta gol va 16 ta golli uzatmaga mualliflik qilgan.
Izoh (0)