Android N operatsion tizimining yangilanmasi ishlab chiquvchilar uchun mo‘ljallangan versiyada paydo bo‘lishga ulgurdi. U rasman kuz boshida taqdim etiladi. Hozircha esa barcha istovchilar Android N Developer Preview’ni o‘z qurilmalarida sinab ko‘rishi mumkin, deb yozadi “Hi-tech.mail.ru”.
Operatsion tizimdagi yangiliklardan biri — bildirishnomalar oynasi lahzalik javob berish funksiyasini qo‘llab-quvvatlaydi, ya’ni foydalanuvchi zarur dasturga kirib o‘tirishi shart emas.
Ikkinchidan, Android’da birinchi marta bir vaqtning o‘zida ikkita dasturda ishlash imkoniyati paydo bo‘ladi, bunda bir yo‘la ikkita oyna ochilib turadi.
Uchinchidan, “rasm ichidagi rasm” funksiyasi mavjud bo‘ladi, bunda video ko‘rilayotgan oynani ekran burchagiga joylab qo‘yish mumkin.
Qo‘shimcha ravishda, Google telefon ekrani bloklangan vaqtda batareya sarfini tejamkorroq qilish masalasi ustida ishlamoqda.
Ilk versiyani barcha qurilmalarda ham sinab ko‘rib bo‘lmaydi, hozircha u Nexus 6, Nexus 5X, Nexus 6P smartfonlari, Nexus 9 va Pixel C planshetlari, shuningdek, Nexus Player mediapleyeri uchun ochiq.
Izoh (0)