Xitoyning smartfon va telekommunikatsiya uskunalarini ishlab chiqaruvchi ZTE kompaniyasi unga qarshi sanksiya kiritilishi bilan bog‘liq vaziyatni hal qilish uchun AQSh hukumati bilan hamkorlik qilmoqchi, deb yozadi 3DNews.
Avvalroq AQSh savdo vazirligi brendni yuqori texnologiyali mahsulotlarni Eronga yetkazib berishga qo‘yilgan embargoni buzishda aybladi hamda Amerikadagi kompaniyalarga ZTE’ga uskuna va dasturiy ta’minot taqdim etishni taqiqlab qo‘ydi.
Sanksiyalar joriy etilgunga qadar ZTE Amerikaning qator kompaniyalari, shu jumladan, mikrosxemalar ishlab chiqaruvchi Qualcomm, Intel va Broadcom bilan hamkorlik qilardi. Endi u bilan sheriklik aloqalarini saqlab turish uchun AQShlik kontragentlar savdo vazirligidan maxsus ruxsatnomalar olishiga to‘g‘ri keladi, biroq amaldorlar oldindan ogohlantirishicha, bunga erishish juda qiyin bo‘ladi.
Xitoy tijorat vazirligi ushbu vaziyat yuzasidan norozilik bildirdi va mamlakatning AQSh hududida faol ish yuritayotgan korxonalari u yerda o‘n minglab ish o‘rinlari yaratganini tilga oldi. Joriy cheklovlar, ularning fikricha, ularning ushbu mamlakatdagi faoliyatiga salbiy ta’sir qiladi.
Izoh (0)