Android N операцион тизимининг янгиланмаси ишлаб чиқувчилар учун мўлжалланган версияда пайдо бўлишга улгурди. У расман куз бошида тақдим этилади. Ҳозирча эса барча истовчилар Android N Developer Preview’ни ўз қурилмаларида синаб кўриши мумкин, деб ёзади «Hi-tech.mail.ru».
Операцион тизимдаги янгиликлардан бири — билдиришномалар ойнаси лаҳзалик жавоб бериш функциясини қўллаб-қувватлайди, яъни фойдаланувчи зарур дастурга кириб ўтириши шарт эмас.
Иккинчидан, Android’да биринчи марта бир вақтнинг ўзида иккита дастурда ишлаш имконияти пайдо бўлади, бунда бир йўла иккита ойна очилиб туради.
Учинчидан, «расм ичидаги расм» функцияси мавжуд бўлади, бунда видео кўрилаётган ойнани экран бурчагига жойлаб қўйиш мумкин.
Қўшимча равишда, Google телефон экрани блокланган вақтда батарея сарфини тежамкорроқ қилиш масаласи устида ишламоқда.
Илк версияни барча қурилмаларда ҳам синаб кўриб бўлмайди, ҳозирча у Nexus 6, Nexus 5X, Nexus 6P смартфонлари, Nexus 9 va Pixel C планшетлари, шунингдек, Nexus Player медиаплеери учун очиқ.
Изоҳ (0)