Bugun,

  • USD 11095.31
  • RUB 173.84
  • EUR 10772.44

Pokistonning barcha yirik shaharlarida Panjob viloyati gubernatori Salmon Tasirni o‘ldirgan Mumtoz Qadriyning qatl etilganiga qarshi ommaviy norozilik namoyishlari boshlandi. Bu haqda “TASS” agentligi xabar berdi.

Mumtoz Qadriy. Foto: Reuters

Mumtoz Qadriy. Foto: Reuters

Jinoyatchi bugun, 29-fevral kuni Ravalpindi shahridagi Adijala qamoqxonasida, afv etishlarini bir necha bor so‘ragani hamda qator diniy tashkilot va partiyalarning iltimoslariga qaramay, osib o‘ldirilgan edi.

Qadriy qatl etilgani haqidagi xabar tarqalishi hamonoq, uning o‘nlab tarafdorlari Ravalpindidagi yo‘llarni to‘sib, mamlakatda hukmron Pokiston musulmon ligasining yetakchilari tasvirlangan plakatlarni yoqa boshladi. Kunduzi Qadriyning jasadi olib kelingan uning uyi atrofida esa diniy tashkilotlarning yuzlab faollari to‘plandi.

Namoyishchilar “Islomobod–Ravalpindi” va “Islomobod–Lahor” shosselarini yopib qo‘ygani aytilmoqda. Peshovarda bir qancha avtotrassalar, Karachida esa yoqilg‘i quyish shoxobchalari berkitib qo‘yildi. Islomobodda tezkor avtobus yo‘nalishi harakati to‘xtatib qo‘yildi.

Tartibsizlik oqibatida jabrlanganlar haqida hozircha axborot yo‘q. Qadriyning 1-mart, seshanba kuni o‘tadigan dafn marosimida yanada keng miqyosli norozilik namoyishlari bo‘lib o‘tishi kutilmoqda.

Politsiya maxsus bo‘linmasining sobiq jangchisi va Salmon Tasirning tan soqchisi hisoblangan Mumtoz Qadriy 2014-yilning 4-yanvarida Islomobod bozorlaridan birida Panjob gubernatorini otib tashlagan edi. Qadriy o‘z harakatiga sabab sifatida gubernator kufr to‘g‘risidagi qonunni erkinlashtirishni bir necha bor ommaviy tarzda talab qilganini ko‘rsatgandi.

Mazkur qonunga muvofiq, Pokiston hududida payg‘ambar Muhammad (s.a.v.)ni, Qur’oni Karimni va islomning boshqa ahkomlarini haqorat qilish jinoiy javobgarlikka sabab bo‘ladi va bu harakatni sodir etgan shaxs o‘lim jazosiga mahkum qilinadi.

Izoh
Asosiy yangiliklar
Mahalliy
O‘zbekistonda benzin narxlarini sun’iy oshirgan AYOQSHlarga tegishli chora ko‘rilishi ma’lum qilindi
Dunyo
Armanistonda 25 ming inson umriga zomin bo‘lgan zilzila, Yaponiyaning Perl-Harborga hujumi va Janubiy Koreya qamoqxonasida 40 yil o‘tirgan KXDR fuqarosi. Kun xrono...
Sport
JCH—2022 da barcha chorak final juftliklari ma’lum bo‘ldi