Madridning “Real” jamoasi bosh murabbiyi Zinedin Zidan kecha, 27-fevral kuni “Santyago Bernabeu”da “Atletiko”ga qarshi (0:1) kechgan Ispaniya chempionati 26-tur o‘yinidan so‘ng o‘z fikrlarini bildirib o‘tdi, deb xabar beradi “Sports.ru”.
“Ispaniya chempionatida kurash yakunlandi. O‘z maydonimizda ‘Atletiko’dan uchralgan mag‘lubiyat biz uchun og‘ir zarba bo‘ldi. Men futbolchilarimga to‘liq ishonaman. Keyingi mavsumda biz bir qator o‘zgarishlar kiritamiz.
Og‘ir vaziyatda qolganimizga qaramay, professionallikni saqlab qolishimiz kerak. Men qiyin vaziyatdan chiqib ketish yo‘llarini izlayman. ‘Atletiko’ga mag‘lub bo‘lamiz deb o‘ylamagandim”, – deydi Zidan.
“Real” – “Atletiko” o‘yinida yagona golga mehmonlar hujumchisi Antuan Grizmann uchrashuvning 53-daqiqasida mualliflik qildi.
Qayd etish joiz, g‘alabadan so‘ng “Atletiko” ochkolar sonini 58 taga yetkazib, ikkinchi o‘rinni saqlab qoldi. 54 ochko bilan qolib ketgan “Real” uchinchi o‘rindan siljimadi.
Izoh (0)