O‘zbekistonning tennischilaridan biri Vlada Ekshibarova Moskva shahrida start olgan, sovrin jamg‘armasi 25 ming AQSh dollariga teng tennis turnirining saralash bahsidan o‘ta olmadi. Bu haqda “ITFtennis.com” xabar bermoqda.
Musobaqaning asosiy bosqichiga chiqish uchun o‘tkazilgan saralash bahsida Ekshibarova slovakiyalik Kristina Shmidlovaga qarshi kortga chiqdi va 4:6, 3:6 hisobida imkoniyatni boy berdi. Uchrashuv davomida 26 yoshli o‘zbekistonlik tennischi ikkita eys amalga oshirgan bo‘lsa, 18 yoshli Shmidlova bitta eys bilan kifoyalandi.
Taqqoslash uchun, Vlada Ekshibarova WTA reytingida 575, Kristina Shmidlova esa 435-o‘rinda tasniflangan.
Izoh (0)