Xitoyda mamlakat hududini harbiy okruglarga bo‘lish yuzasidan islohot yakuniga yetdi: avvalgi 7 okrug o‘rnida beshta — Sharqiy, G‘arbiy, Shimoliy, Janubiy va Markaziy harbiy okruglar tuzildi. Bu haqda “TASS” xabar bermoqda.
Pekinda shu munosabat bilan tantanali yig‘ilish bo‘lib o‘tdi. Unda ishtirok etgan mamlakat yetakchisi Si Szinpin okruglarga tayinlangan yangi rahbarlarni “jangovar harakatlar uchun yetarli resurslarga ega bo‘lgan, samarali va jasur, urushlarda g‘olib chiqishga qodir” birlashgan tizimni qurishga chaqirdi.
2015-yil noyabrida, Markaziy harbiy kengash anjumani chog‘ida Si Szinpin Xitoy armiyasidagi keng ko‘lamli islohotlar haqida e’lon qilgandi. Qurolli kuchlarda xizmat qiluvchilar sonining 300 ming kishiga kamaytirilishidan (2 millioncha) tashqari, o‘zgarishlar armiyaning tashkiliy tuzilmasini ham qamrab oldi. Jumladan, ikkinchi artilleriya korpusi raketa qo‘shinlariga aylantirilishi, shuningdek, strategik qo‘llab-quvvatlash kuchlari tuzilishi ma’lum qilindi.
Izoh (0)