Turkiya kurortlarida 1300 ta mehmonxona sotuvga qo‘yildi

Turkiyada O‘rtayer va Egey dengizlari sohilidagi 1300 dan ortiq mehmonxona sotuvga qo‘yildi, deb xabar beradi Meduza.

Ulardan 410 tasi Antaliyada joylashgan bo‘lib, bu mehmonxonalarning narxi 10 milliard dollarga baholanmoqda. Qolgan mehmonxonalarning narxi esa 3 milliard dollar turadi.

Turkiyaning Today’s Zaman nashri bergan xabarga ko‘ra, ba’zi bir mehmonxonalar Rossiyaning sanksiyalari tufayli bankrotlik ostonasida qolgan. Sayyohlik biznesiga yanvar oyining o‘rtalarida Istanbulda sodir bo‘lgan terakt ham ta’sir ko‘rsatdi. O‘sha hodisa tufayli Germaniyaning 10 nafar fuqarosi halok bo‘lgandi.

Turkiyaning turizmdan olgan daromadi 2015-yilda 8,4 foizga tushib ketdi.