Saudiya Arabistoni terrorizmda gumon qilib, 33 kishi, jumladan, amerikaliklarni hibsga oldi

Saudiya Arabistoni rasmiylari oxirgi hafta mobaynida terrorizmda gumon qilib, 33 kishini qo‘lga oldi. Ular orasida xorijiy davlatlar, jumladan, AQSh va Qozog‘iston fuqarolari borligi aytilmoqda, deya xabar beradi “Gazeta.ru”.

Saudi Gazette manbalariga ko‘ra, mamlakat huquq-tartibot idoralari to‘qqiz nafar amerikalik, ikki nafar suriyalik, uch nafar yamanlik, shuningdek, BAA, Falastin, Qozog‘iston, Indoneziya va Filippin fuqarolarini hibsga olgan.

Saudiya Arabistonining 14 nafar fuqarosi ham terrorizmga aloqadorlikda ayblanmoqda.