Ramzan Qodirov Putinning korrupsiyada ayblanishini “Rossiyaga qarshi urush e’lon qilish” bilan qiyosladi

Checheniston rahbari Ramzan Qodirov AQSh tomonidan prezident Vladimir Putinning korrupsiyada ayblanishini “Rossiyaga qarshi haqiqiy urush e’lon qilish” bilan qiyosladi. Bu haqda “Gazeta.ru” xabar bermoqda.

“Faqat frontdagi janglar urush hisoblanadigan vaqtlar o‘tib ketdi. Hozir axborot xurujlari va mafkuraviy diversiyalar eng kuchli qurollardan biri bo‘lib qoldi. AQSh o‘zining Yevropadagi gumashtalari yordamida Rossiyada xaos keltirib chiqarish, xalqning milliy yetakchisiga nisbatan ishonchini yo‘q qilish, oxir-oqibat Rossiyani Afg‘oniston, Iroq, Liviya, juda bo‘lmaganda, Yugoslaviyaga aylantirishga harakat qilmoqda”, — deya ta’kidlagan Qodirov Instagram’dagi sahifasida.