Kuba poytaxti Gavanada dzyudo bo‘yicha Gran-Pri turkumiga kiruvchi yirik xalqaro turnir nihoyasiga yetdi. Bu haqda O‘zbekiston Milliy olimpiya qo‘mitasi matbuot xizmati ma’lum qildi.
Dunyoning yetmishga yaqin davlati vakillari ishtirokida o‘tgan mazkur musobaqada Rio-de-Janeyroda o‘tkaziladigan yozgi Olimpiada o‘yinlari yo‘llanmalariga reyting ochkolari uchun ham bahs bordi.
Gran-Pri turnirida 11 nafar o‘zbekistonlik sportchi ishtirok etdi. Sharofiddin Lutfullayev va Gulnoza Matniyozova o‘z vazn toifalarida beshinchi o‘rinni egalladi, terma jamoa esa yakunda umumjamoa hisobida 25-o‘rinni band etdi.
Izoh (0)