Beshta sayyora so‘nggi o‘n yil ichida ilk marotaba bir qatorga saf tortadi

2016-yil 20-yanvardan 20-fevralgacha osmonda beshta sayyoraning namoyishini kuzatsa bo‘ladi. Bu haqda Huffingston Post nashri bergan ma’lumotlarga asosan “Korrespondent.net” xabar qilmoqda.

Merkuriy, Venera, Saturn, Mars va Yupiter so‘nggi o‘n yil ichida ilk marotaba ketma-ket safga tiziladi.

Diagonal shaklda tizilgan sayyoralarni Yerdan turib 20-yanvar, chorshanba kuni tomosha qilsa bo‘ladi.

Beshta yorqin sayyora so‘nggi o‘n yil ichida shunday tartibda saf tortadiki, ularni hech bir vositasiz, oddiy ko‘z bilan tomosha qilish imkoni paydo bo‘ladi.

Hodisa 20-fevral kuniga qadar bir oy davom etadi.