Mehnat va aholini ijtimoiy muhofaza qilish vazirligi Telegram’da o‘z botini ishga tushirdi

O‘zbekiston Mehnat va aholini ijtimoiy muhofaza qilish vazirligi Telegram messenjerida o‘z botini ishga tushirdi (@mehnatbot). Bu haqda “Gazeta.uz” xabar beradi.

Vazirlik matbuot xizmatining ma’lum qilishicha, bot yordamida amaldagi eng kam oylik ish haqi, pensiya, stipendiya va nafaqalarning miqdori haqida ma’lumot olish, o‘z oyligini hisoblab chiqarish va turli arizalar blankalarini yuklab olish mumkin.

Bot tayyor ro‘yxatdan tanlash mumkin bo‘lgan buyruqlar yordamida boshqariladi.

Eslatib o‘tamiz, O‘zbekiston Respublikasi hukumat portalining ham Telegram messenjerida o‘z botini ishga tushirganligi haqida ma’lum qilingan edi.