Xonanda Anvar Sobirov “O‘zbeknavo” estrada birlashmasi tomonidan litsenziyasining to‘xtatilgani qaysidir ma’noda ijobiy ta’sirga ega bo‘lganini qayd etib o‘tdi. Xonanda bu haqda “Bekajon” gazetasiga bergan intervyusida aytib o‘tdi.
“Litsenziyamning to‘xtatilishi men uchun bir sinov bo‘ldi. Bundan o‘zimga kerakli va ijobiy xulosalar chiqardim”, — dedi xonanda.
“Litsenziyam olingan vaqtda san’atga bir qancha yangiliklar bilan qaytishni rejalashtirgandim. Mana, muxlislarimga ikkita albom taqdim etish arafasidaman”, — deya qo‘shimcha qildi Anvar Sobirov.
“O‘zbeknavo” 2015-yil iyunida bir guruh xonandalar, xususan, xonanda Anvar Sobirovning litsenziyasini to‘xtatishga qaror qilgandi. U o‘z litsenziyasini qaytarib olgani noyabr oyida ma’lum bo‘ldi.
Izoh (0)