O‘tgan yili IBM kompaniyasi AQShda eng ko‘p miqdordagi patentlarga ega bo‘ldi, ularning ba’zilari kompyuterlarni yanada samarali va “odamsimon” qilishni nazarda tutuvchi texnologiyalarni ifodalaydi, deb yozadi “Hi-tech.mail.ru”.
IBM mutaxassislaridan biri Jeyms Kozlovski, jumladan, Alsgeymer xastaligiga chalingan kishilarga xotirasidagi bo‘shliqlarni to‘ldirishga yordam beradigan kompyuter tizimi uchun patentni qo‘lga kiritdi. Shuningdek, ro‘yxatdan o‘tkazilgan patentlar orasida katta hajmdagi ma’lumotlar ustida ishlash paytida yanada samaraliroq qarorlar qabul qilish uchun odam miyasining ishlashiga taqlid qiluvchi protsessor ham bor.
Patentlardan yana biri esa kompyuter tizimlariga o‘z fikrini bildirishda yordam beradi, bundan tashqari, mashinaning inson hissiyotlari va o‘zaro aloqalarini tahlil qilish qobiliyatini yaxshilaydi.
Motherboard tahlilchilari fikricha, ro‘yxatga olingan yangi patentlarning barchasi sun’iy intellektning yangi tushunchasini hosil qilgan holda, o‘zaro uyg‘unlasha oladi.
Izoh (0)