Xitoylik olimlar 2016-yilning yozida 1200 kilometrdan oshiq masofada dunyoda birinchi bo‘lib kvantli teleportatsiyani amalga oshirish bo‘yicha tajriba o‘tkazadi. Bu haqda Nature News xabar qilmoqda.
Olimlar tajribani o‘tazish uchun 2016-yilning iyunida sun’iy yo‘ldoshni samoga uchirishni rejalashtirmoqda. Shunday qilib, fiziklar kosmos va yer usti stansiyalari orasida moddalar holati kvantlarii teleportatsiyasini amalga oshirishga umid qilmoqda.
Tajribalarning birinchi bosqichida olimlar Pekin va Vena o‘rtasidagi kriptografik aloqalarning ishonchliligini sinab ko‘radi. Bu tajribada sun’iy yo‘ldosh vositachi sifatida ishtirok etadi.
Ikkinchi bosqichda olimlar yo‘ldosh orqali Delinxe va Litszyan (yoki Nanshan) stansiyalari orasida fotonlarning kvantli teleportatsiyasini amalga oshiradi. Punktlar orasidagi masofa 1200 kilometrdan oshadi.
Fiziklar tajribaning muvaffaqiyatli amalga oshishiga shubha qilmayapti. Olimlarning rejasida Oy va Yer o‘rtasida signallarni uzatish tajribasini o‘tkazish ham bor.
Izoh (0)