2015-yilda GM Uzbekistan’ning Rossiyadagi sotuv hajmi 46 foizga pasaydi

2015-yilda Rossiyada GM Uzbekistan qo‘shma korxonasi tomonidan ishlab chiqarilgan 20 451 dona avtomobil sotildi. Bu haqda “Gazeta.uz” xabar beradi.

2014-yildagi ko‘rsatkich (37 695 dona avtomobil) bilan taqqoslaganda, sotuv hajmi 46 foizga pasaygan. 2015-yilning dekabr oyida Rossiyada GM Uzbekistan’ning 1698 ta avtomobili sotildi. Bu ko‘rsatkich 2014-yilning dekabrida 2340 tani tashkil etgan edi.

GM Uzbekistan’ning Rossiya bozorida egallagan ulushi bir yil davomida 1,5 foizdan 1,3 foizgacha pasaydi.

2015-yilda Rossiyada yangi yengil va tijorat avtomobillarining sotilishi jami 35,7 foizga 1,601 millionta mashinaga qisqardi. Dekabr oyida avtomobillar sotuv hajmi 45,7 foizga pasaydi.