Энг мураккаб исм-шарифли футболчиларнинг рамзий термаси тузилди

Squawka портали ҳазил тариқасида талаффуз этилиши қийин бўлган исм-шарифларга эга футболчилардан иборат дунёнинг рамзий терма жамоасини эълон қилди, деб хабар беради «Uff.uz».

Таркибда Алекс Окслейд-Чемберлен ва Жунинью Пернамбукану сингари таниқли ўйинчилар билан бир қаторда, унчалик машҳур бўлмаган «Карлайл» аъзоси Трой Арчибальд-Хэнвилл каби ўйинчилар мавжуд.

Мураккабликни баҳолаш учун эса Scrabble («Эрудит») стол ўйинида қийин фамилия учун олинган очколардан фойдаланилди. Бу мусобақада энг кўп очкони «Манчестер Юнайтед» футболчиси Кэмерон Бортвик-Жексон (57 очко) йиғди.

Тўлиқ таркиб қуйидагича кўриниш олди:

Дарвозабон: Ламин Земмамуш («УСМ Жазоир», «Эрудит»да 54 очко эгаси).

Ҳимоячилар: Кевин Теофил-Катрин («Сент-Этьен», 43), Сократис Папастатопулос («Боруссия» Д, 37), Трой Арчибальд-Хэнвилл («Карлайл», 38), Кэмерон Бортвик-Жексон («Манчестер Юнайтед», 57).

Ярим ҳимоячилар: Лазарос Христодулопулос («Сампдория», 42), Алекс Окслейд-Чемберлен («Арсенал», 45), Жунинью Пернамбукану (фаолиятини якунлаган 37), Динияр Билялетдинов («Рубин», 34).

Ҳужумчилар: Ян Веннегор оф Хесселинк (фаолиятини якунлаган, 44), Ризо Гучаннажод («Чарльтон», 43).