Isroil aviatsiyasi G‘azo sektorining raketa hujumiga javoban falastinlik jangarilar pozitsiyalariga hujum uyushtirdi. Bu haqda armiya matbuot xizmatiga tayanib, “RIA Novosti” xabar beradi.
Dastlabki ma’lumotlarga qaraganda, hujumlar oqibatida har ikkala tomondan hech kim jabrlanmagan.
“Kecha, 13-dekabr kuni kechqurun G‘azo sektoridan Isroil janubiga raketa uchirildi. Jabrlanganlar haqida ma’lumot kelib tushmadi. Bunga javoban Isroil Harbiy-havo kuchlari G‘azo sektorining shimoliy va markaziy qismlaridagi ‘Hamas’ning ikki harbiy postiga zarba berdi”, — deyiladi xabarda.
Manbalarda ma’lum qilinishicha, G‘azo sektoridagi “Hamas” harakati jangarilarining mashq lageri, shuningdek, uning harbiy-dengiz bo‘linmasi bazasi bombardimon qilingan.
Izoh (0)