MyTaxi’ning mashinasidan endi siz ham pul to‘lamasdan tushib ketishingiz mumkin. Qanday qilib?

1. Nima bo‘ldi?

MyTaxi xizmati Family (o‘zbekchasiga aytganda — oilaviy) va Corporate (korporativ — bu ham g‘irt o‘zbekcha so‘z aslida) tariflarini taqdim etadi. Bu tariflardan Toshkent shahridagi korxona va tashkilotlar, shuningdek, jismoniy shaxslar foydalanishi mumkin.

2. Nima u oilaviy tarif — MyTaxi oilamizga bitta mashinani “bog‘lab beradimi”?

Yo‘q, lekin siz yoki oila a’zolaringiz buyurtma berishi bilan, 10 daqiqaga qolmay ostonangizda taksi paydo bo‘ladi. Buning uchun dastlab MyTaxi bilan shartnoma tuzishingiz kerak. Agar bo‘lajak taksi qatnovlari uchun to‘lamoqchi bo‘lgan pulingiz 500 ming so‘mgacha bo‘lsa, MyTaxi vakili oldingizga o‘zi boradi, undan ko‘proq bo‘lsa, MyTaxi ofisida sizni issiq choy bilan kutib olishadi. To‘lovni istasangiz naqd pul ko‘rinishida, xohlasangiz plastik kartochka yoki Click yordamida to‘lashingiz mumkin. Hisobda qolgan pul miqdorini SMS-bildirishnomalar va elektron pochtaga yuboriladigan elektron hisobotlar orqali bilib turasiz. Qulay tomoni — haydovchi qaytarishga qaytim, siz esa to‘lashga mayda pul qidirmaysiz. Qatnov puli oldindan to‘langani uchun, manzilga yetgach, taksidan indamaygina tushib ketaverasiz.

3. Ishxonamdagilarni ham oila a’zolarim sifatida ko‘rsatib qo‘yaveraman, alohida korporativ tarifni nimaga keragi bor yana?

Kerak, chunki korporativ tarifda oilaviy tarifda bo‘lmagan imkoniyatlar bor. Masalan, to‘lovni oy yakunida ham (postpaid tartibida) amalga oshirish va, albatta, xizmatlar haqini pul o‘tkazish yo‘li bilan to‘lash mumkin. Bundan tashqari, xarajatlarni real vaqt rejimida kuzatib, nazorat qilib borsa bo‘ladi. Har bir qatnovdan so‘ng elektron kvitansiyalar taqdim etiladi. Kuzatuvlar vaqtida MyTaxi’ning biror shubhali harakatini sezib qolsangiz, taksi xizmati pulingizni muammosiz qaytarib beradi.

4. Korporativ tarifdan oila a’zolarim ham foydalansa bo‘ladimi?

Albatta. Oilaviy tarifda ham, korporativ tarifda ham o‘z yaqinlaringizni sizning hisobingizdan foydalanuvchilar ro‘yxatiga qo‘shib qo‘yish mumkin. Bu haqda MyTaxi xizmatiga yangi foydalanuvchining ismi-sharifi va telefon raqami haqida ma’lumot bersangiz kifoya. Siz esa har bir qatnovni kuzata olasiz. Sizni hech kim aldolmaydi — haydovchi ham, hisobingizdan foydalangan yaqiningiz yoki xodimingiz ham.

5. Necha pul dedingiz?

Korporativ tariflardagi qatnovlar narxi oddiy yo‘lovchilarnikidek hisoblanadi. Misol uchun, ekonom-klassdagi mashinalarda minimal to‘lov miqdori 6000 so‘mni tashkil etadi — bu qiymat 10 daqiqa kutish va harakat masofasining dastlabki 5 kilometrini o‘z ichiga olgan, undan keyingi har bir kutilgan daqiqa uchun 250 so‘m va har bir bosib o‘tilgan kilometr uchun 800 so‘mdan hisoblab boriladi. Deylik, oy boshida 500 000 so‘m to‘lagan bo‘lsangiz, oy davomidagi har bir qatnovingiz masofasi 5 kilometrdan oshmasa, pulingiz kamida 83 marta taksi xizmatidan foydalanishga bemalol yetadi.

6. Chegirma-pegirma, bonus-ponus, tekin-pekin degan joylaridan yo‘qmi?

Bor. Faqat dekabr oyida MyTaxi oilaviy va korporativ tarif bo‘yicha shartnoma imzolagan mijozlarning har qanday to‘loviga 10 foiz miqdorida bonus qo‘shib beradi. Ya’ni, siz 2 million so‘m miqdorida oldindan to‘lovni amalga oshirsangiz, hisobingizga 2 200 000 so‘m pul tushadi. Bundan tashqari, 7—30 dekabr kunlari har dushanbadan payshanbaga qadar soat 17:00 dan 21:00 gacha “Clun Castle’ga MyTaxi bilan boramiz” aksiyasidan foydalanib qolishingiz mumkin — Clun Castle’gacha bo‘lgan barcha qatnovlar mazkur muassasa hisobidan to‘lanadi. Shuningdek, 30 dekabrgacha davom etadigan Yangi yil aksiyasi doirasida MyTaxi bayram archasini buyurtmangiz asosida siz istagan joyga eltib beradi.

7. Archa? MyTaxi’da yetkazib berish (“dostavka”) xizmati ham bormi?

Yo‘q, lekin MyTaxi o‘z mijozlari uchun haqiqiy ko‘makchi bo‘lishni istaydi. MyTaxi’ning asosiy ustunligi — ishonchlilik va mas’uliyat. Bir oilada bir necha mashina bo‘lgani holda, ba’zan farzandni maktabdan olib kelishga fursat topilmasligi mumkin — bunda MyTaxi sizga yordam beradi. Biror dori kerakmi? MyTaxi yordamga tayyor. Kutilmaganda uzoq yo‘ldan mehmonlar kelib qoldimi? MyTaxi siz aytgan restorandan siz buyurtma qilgan taomlarni issig‘ida yetkazib beradi. Biror hujjatni shoshilinch ravishda jo‘natish kerak bo‘lsa-yu, barcha xizmat mashinalari band bo‘lsa, bemalol MyTaxi’ga ishonch bildirsangiz bo‘ladi.

8. Shartnoma tuzish uchun nima qilishim kerak?

MyTaxi’ga xat yozing (email: info@mytaxi.uz) yoki qo‘ng‘iroq qiling (telefon: +998-71-202-15-15). Kompaniya ofisi Toshkent markazida joylashgan: B.Boboyev ko‘chasi, 7a-uy (mo‘ljal Rakat Market). Ha-ya, MyTaxi’ning mobil dasturini ko‘chirib olish ham esdan chiqmasin (Android uchun, iOS uchun).

Reklama huquqi asosida