1. Нима бўлди?
MyTaxi хизмати Family (ўзбекчасига айтганда — оилавий) ва Corporate (корпоратив — бу ҳам ғирт ўзбекча сўз аслида) тарифларини тақдим этади. Бу тарифлардан Тошкент шаҳридаги корхона ва ташкилотлар, шунингдек, жисмоний шахслар фойдаланиши мумкин.2. Нима у оилавий тариф — MyTaxi оиламизга битта машинани «боғлаб берадими»?
Йўқ, лекин сиз ёки оила аъзоларингиз буюртма бериши билан, 10 дақиқага қолмай остонангизда такси пайдо бўлади. Бунинг учун дастлаб MyTaxi билан шартнома тузишингиз керак. Агар бўлажак такси қатновлари учун тўламоқчи бўлган пулингиз 500 минг сўмгача бўлса, MyTaxi вакили олдингизга ўзи боради, ундан кўпроқ бўлса, MyTaxi офисида сизни иссиқ чой билан кутиб олишади. Тўловни истасангиз нақд пул кўринишида, хоҳласангиз пластик карточка ёки Click ёрдамида тўлашингиз мумкин. Ҳисобда қолган пул миқдорини SMS-билдиришномалар ва электрон почтага юбориладиган электрон ҳисоботлар орқали билиб турасиз. Қулай томони — ҳайдовчи қайтаришга қайтим, сиз эса тўлашга майда пул қидирмайсиз. Қатнов пули олдиндан тўлангани учун, манзилга етгач, таксидан индамайгина тушиб кетаверасиз.
3. Ишхонамдагиларни ҳам оила аъзоларим сифатида кўрсатиб қўявераман, алоҳида корпоратив тарифни нимага кераги бор яна?
Керак, чунки корпоратив тарифда оилавий тарифда бўлмаган имкониятлар бор. Масалан, тўловни ой якунида ҳам (postpaid тартибида) амалга ошириш ва, албатта, хизматлар ҳақини пул ўтказиш йўли билан тўлаш мумкин. Бундан ташқари, харажатларни реал вақт режимида кузатиб, назорат қилиб борса бўлади. Ҳар бир қатновдан сўнг электрон квитансиялар тақдим этилади. Кузатувлар вақтида MyTaxi’нинг бирор шубҳали ҳаракатини сезиб қолсангиз, такси хизмати пулингизни муаммосиз қайтариб беради.
4. Корпоратив тарифдан оила аъзоларим ҳам фойдаланса бўладими?
Албатта. Оилавий тарифда ҳам, корпоратив тарифда ҳам ўз яқинларингизни сизнинг ҳисобингиздан фойдаланувчилар рўйхатига қўшиб қўйиш мумкин. Бу ҳақда MyTaxi хизматига янги фойдаланувчининг исми-шарифи ва телефон рақами ҳақида маълумот берсангиз кифоя. Сиз эса ҳар бир қатновни кузата оласиз. Сизни ҳеч ким алдолмайди — ҳайдовчи ҳам, ҳисобингиздан фойдаланган яқинингиз ёки ходимингиз ҳам.5. Неча пул дедингиз?
Корпоратив тарифлардаги қатновлар нархи оддий йўловчиларникидек ҳисобланади. Мисол учун, эконом-классдаги машиналарда минимал тўлов миқдори 6000 сўмни ташкил этади — бу қиймат 10 дақиқа кутиш ва ҳаракат масофасининг дастлабки 5 километрини ўз ичига олган, ундан кейинги ҳар бир кутилган дақиқа учун 250 сўм ва ҳар бир босиб ўтилган километр учун 800 сўмдан ҳисоблаб борилади. Дейлик, ой бошида 500 000 сўм тўлаган бўлсангиз, ой давомидаги ҳар бир қатновингиз масофаси 5 километрдан ошмаса, пулингиз камида 83 марта такси хизматидан фойдаланишга бемалол етади.6. Чегирма-пегирма, бонус-понус, текин-пекин деган жойларидан йўқми?
Бор. Фақат декабрь ойида MyTaxi оилавий ва корпоратив тариф бўйича шартнома имзолаган мижозларнинг ҳар қандай тўловига 10 фоиз миқдорида бонус қўшиб беради. Яъни, сиз 2 миллион сўм миқдорида олдиндан тўловни амалга оширсангиз, ҳисобингизга 2 200 000 сўм пул тушади. Бундан ташқари, 7—30 декабрь кунлари ҳар душанбадан пайшанбага қадар соат 17:00 дан 21:00 гача «Clun Castle’га MyTaxi билан борамиз» акциясидан фойдаланиб қолишингиз мумкин — Clun Castle’гача бўлган барча қатновлар мазкур муассаса ҳисобидан тўланади. Шунингдек, 30 декабргача давом этадиган Янги йил акцияси доирасида MyTaxi байрам арчасини буюртмангиз асосида сиз истаган жойга элтиб беради.
7. Арча? MyTaxi’да етказиб бериш («доставка») хизмати ҳам борми?
Йўқ, лекин MyTaxi ўз мижозлари учун ҳақиқий кўмакчи бўлишни истайди. MyTaxi’нинг асосий устунлиги — ишончлилик ва масъулият. Бир оилада бир неча машина бўлгани ҳолда, баъзан фарзандни мактабдан олиб келишга фурсат топилмаслиги мумкин — бунда MyTaxi сизга ёрдам беради. Бирор дори керакми? MyTaxi ёрдамга тайёр. Кутилмаганда узоқ йўлдан меҳмонлар келиб қолдими? MyTaxi сиз айтган ресторандан сиз буюртма қилган таомларни иссиғида етказиб беради. Бирор ҳужжатни шошилинч равишда жўнатиш керак бўлса-ю, барча хизмат машиналари банд бўлса, бемалол MyTaxi’га ишонч билдирсангиз бўлади.8. Шартнома тузиш учун нима қилишим керак?
MyTaxi’га хат ёзинг (email: info@mytaxi.uz) ёки қўнғироқ қилинг (телефон: +998-71-202-15-15). Компания офиси Тошкент марказида жойлашган: Б.Бобоев кўчаси, 7а-уй (мўлжал Rakat Market). Ҳа-я, MyTaxi’нинг мобил дастурини кўчириб олиш ҳам эсдан чиқмасин (Android учун, iOS учун).Реклама ҳуқуқи асосида
Изоҳ (0)