Xitoy Xalq Respublikasi raisi Si Szinpinning Yoxannesburgda qilgan chiqishiga bag‘ishlangan maqoladagi xato tufayli China News Service agentligining ikki jurnalisti va ikki muharriri ishdan bo‘shatilgan. Bu haqda The South China Morning Post agentligi xabar bermoqda.
Jurnalistlar davlat rahbarini “iste’foga chiqqan” deb xabar bergan.
China News Service ta’kidlashicha, ushbu hodisa ma’lum bir vaqt o‘tgach, esdan chiqib ketgandan keyin ishdan bo‘shatilganlar qaytib ishga tiklanadi.
Anglashilmovchilik so‘zlarni terishda yuz bergan bo‘lib, “nutq” ― zhi ci “chi tsi” so‘zi “iste’fo” ― ci zhi “tsi chi” so‘ziga almashib ketgan.
Xitoyda rasmiylar bilan bog‘liq manbalarni tayyorlashda davlat xabar agentliklaridan olingan ma’lumotlardan foydalanish tavsiya etilganligi sababli, ba‘zi OAV xato ketgan xabarni qayta nashrdan chiqarib yuborgan.
Izoh (0)