Hindiston janubidagi Tamilnad shtatida 9-noyabrdan beri kamida 400 kishi kuchli suv toshqinlari qurboni bo‘ldi, bir milliondan ziyod odam boshpanasiz qolgan. Bu haqda favqulodda vaziyatlar milliy boshqarmasi ma’lumotlariga tayanib, “TASS” xabar bermoqda.
Toshqindan eng ko‘p shtat poytaxti — 5 million aholiga ega bo‘lgan Chennai shahri jabr ko‘rdi: bu yerda 325 kishi halok bo‘lgan, ulardan 18 nafari shahar kasalxonasida elektr ta’minotidagi uzilishlar tufayli hayotdan ko‘z yumgan. Shaharning aksariyat ko‘chalari suv ostida qolmoqda, sanoat korxonalari faoliyati to‘xtagan.
Tamilnadda bir milliondan ortiq kishi vaqtinchalik lagerlarga joylashtirilgan. Hisob-kitoblarga ko‘ra, toshqin oqibatida ko‘rilgan zarar 150 milliard rupiydan (2,3 milliard dollardan ziyod) oshib ketdi.
Izoh (0)