BMT bosh kotibi dunyodagi yadro qurollarining barchasini yo‘q qilishga chaqirdi

BMT bosh kotibi Pan Gi Mun 7-dekabr kuni Seulda qurolsizlanish va yadro qurolini tarqatmaslik bo‘yicha ochilgan anjumanga videomurojaat yuborib, dunyodagi barcha yadro qurollarini yo‘q qilishga chaqirdi. Bu haqda “RIA Novosti” xabar bermoqda.

“Dunyoni bunday eng vayronkor quroldan xalos qilish uchun harakatlarimizni kuchga keltirish vaqti keldi”, — dedi Pan Gi Mun. Uning so‘zlariga ko‘ra, bu “mintaqaviy va global xavfsizlikni ta’minlashda eng muhim vazifadir”.

Seuldagi konferensiya Janubiy Koreya hukumat va tadqiqot tashkilotlari, BMT vakillari va chet ellik mutaxassislar ishtirokida o‘tkazilmoqda.