Toshkentda bugun, 17-noyabr kuni taxminan 22:35 da kuchli bo‘lmagan zilzila kuzatildi.
Yevropa—O‘rtayer dengizi seysmologiya markazi xabariga ko‘ra, 5,9 magnitudali zilzila Qirg‘iziston hududida sodir bo‘lgan. Yer silkinishi epitsentri Jaloloboddan 18 km janubi-sharqda 60 km chuqurlikda joylashdi.
“Toshkent” seysmologiya stansiyasi dastlabki ma’lumotlariga ko‘ra, zilzila epitsentri Qirg‘izistonning O‘sh shahri yaqinida bo‘lgan, yer silkinishi kuchi 6 magnitudani tashkil etgan. Toshkentda Rixter shkalasi bo‘yicha 2 balli zilzila sezilgan.
“Toshkent” seysmologiya stansiyasi bergan so‘nggi ma’lumotga ko‘ra, zilzila Toshkent vaqti bilan 22:29 da Qirg‘izistonning Jalolobod shahri yaqinida sodir bo‘lgan. U yerda zilzila kuchi 5,7 magnitudaga teng bo‘lgan. Toshkentda Rixter shkalasi bo‘yicha 2,5—3 balli yer silkinishi qayd etilgan.
Izoh (0)