Yozuvchi Abdulla Qodiriyning “O‘tkan kunlar” romani asosida yangi film suratga olinadigan bo‘lsa, unda Kumush rolini ijro eta oladigan munosib aktrisa O‘zbekistonda yo‘q. Bu haqda O‘zbekiston xalq artisti Gulchehra Jamilova “Darakchi” gazetasiga bergan intervyusida aytib o‘tdi.
“Kumush roliga munosib aktrisaning o‘zi yo‘q. Zaynab roliga esa fe’l-atvor jihatdan mos tushadigan aktrisalarimiz juda ko‘p. Otabek roliga mos aktyor ham yo‘q”, — dedi Gulchehra Jamilova.
Taniqli aktrisaning fikricha, agar “O‘tkan kunlar” romani yana ekranlashtirilsa, uni faqat rejissor Zulfiqor Musoqov suratga olishi mumkin.
“Zulfiqor o‘zi ham shu asarga qo‘l urish istagida bo‘lgan. Yosh rejissorlardan birortasini aytolmayman”, — deya qo‘shimcha qildi O‘zbekiston xalq artisti.
Izoh (0)