GFR sobiq kansleri Gelmut Shmidt 96 yoshida vafot etdi

Germaniya Federativ Respublikasining sobiq kansleri Gelmut Shmidt hayotining 97-yilida vafot etdi. Bu haqda “RBK” sobiq kansler shifokori ma’lumotiga tayanib xabar beradi.

Shmidt Gamburgda vafot etdi. DPA agentligining ma’lum qilishicha, o‘zining oxirgi kunlarini sobiq kansler shifoxonada o‘tkazdi. O‘limidan bir necha soat avval esa behush ahvolda bo‘lgan.

Sotsial-demokrat Gelmut Shmidt 1974-yildan 1982-yilga qadar GFR kansleri bo‘lgan. 1960-yillarning oxirida u bundestag sotsial-demokratik fraksiyasi raisi, 1969-yilda esa mudofaa vaziri lavozimini egallagan.