Alibaba “Bo‘ydoqlar kuni”da 10 mlrd dollarlik mahsulot sotishni rejalashtirmoqda
Xitoyning internet-savdo sohasidagi yirik kompaniyasi bo‘lgan Alibaba mamlakatda 11-noyabrda nishonlanadigan “Bo‘ydoqlar kuni”da 10 milliard dollardan ziyod miqdordagi mahsulotlarni sotishni rejalashtirmoqda. Bu haqda kompaniyaning xalqaro munosabatlar bo‘yicha vitse-prezidenti Jeyms Uilkinson ma’lum qildi, deya xabar beradi “TASS”.
“Biz uchun 11-noyabr — tarixiy kun. ‘Bo‘ydoqlar kuni’ mijozlarga mahsulotlar uchun 90 foizgacha chegirma beramiz. 2014-yili shu kuni 9,3 milliard dollarlik 270 millionta mahsulot sotganmiz. Bu yil esa sotuv hajmi 10 milliarddan oshishini kutyapmiz”, — deya ta’kidlagan Uilkinson.
Vitse-prezidentning aytishicha, ayni paytda Alibaba Group mazkur bayramga astoydil tayyorgarlik ko‘rmoqda. Onlayn-savdoga dunyoning 30 mamlakatidan 6 million nomdagi mahsulotlar qo‘yiladi.
Eslatib o‘tamiz, “Bo‘ydoqlar kuni” zamonaviy bayram bo‘lib, Xitoyda ilk bor 2011-yilda nishonlangan. Raqamlar sehriga ishonuvchi xitoyliklar fikricha, 11 raqami yolg‘iz erkak va ayollarni eslatar ekan.
