Bugun,

  • USD 10940.05
  • RUB 182.26
  • EUR 11121.65

Toshkentda O‘zbekiston va Xitoyning Shansi provinsiyasi ishbilarmon doiralari vakillari ishtirokida biznes-forum va kooperatsiya birjasi bo‘lib o‘tdi, deb xabar beradi O‘zA.

Foto: UzReport

Foto: UzReport

Tadbirlar O‘zbekiston Respublikasi Savdo-sanoat palatasi, Xitoy xalqaro savdo taraqqiyotiga ko‘mak berish qo‘mitasi va Xitoy Xalq Respublikasining O‘zbekistondagi elchixonasi tomonidan tashkil etildi.

O‘zbekiston Respublikasi Savdo-sanoat palatasi raisi o‘rinbosari Nazira Dadaxonovaning ta’kidlashicha, bunday tadbirlar O‘zbekiston – Xitoy iqtisodiy hamkorligini tashkil qiladigan ulkan imkoniyatlarning bir qismi, xolos. Hamkorlikdagi biznes-forumlar va turli tadbirlar ikki tomonlama munosabatlarni yangi mazmun bilan boyitishda muhim ahamiyatga ega.

Bu galgi biznes-forum va kooperatsiya birjasida mashinasozlik, farmatsevtika, to‘qimachilik, qurilish, oziq-ovqat, kimyo sanoati, elektrotexnika, muqobil energiya manbalari, zamonaviy texnologiyalar, qishloq xo‘jaligi mahsulotlari ishlab chiqarish sohasida faoliyat yuritayotgan konsern va kompaniyalarining vakillari ishtirok etdi.

– Shansi provinsiyasi tabiiy boyliklar zaxirasi va zamonaviy sanoatni rivojlantirish sur’ati bo‘yicha Xitoyda yetakchi o‘rinni egallaydi, – deydi Xitoy xalqaro savdo taraqqiyotiga ko‘mak berish qo‘mitasining Shansi provinsiyasidagi vakolatxonasi raisi o‘rinbosari Vu Futszi. – Bugungi tadbirlarda ushbu hududdagi ellikdan ortiq kompaniya vakillari qatnashdi. Ular O‘zbekiston korxonalari bilan savdo munosabatlarini rivojlantirishga katta qiziqish bildirdi.

Biznes-forumda O‘zbekistonning iqtisodiy salohiyati va investitsiyaviy muhit xususida ma’lumotlar taqdim etildi. O‘zbekiston Respublikasi Xususiylashtirish, monopoliyadan chiqarish va raqobatni rivojlantirish davlat qo‘mitasi, Tashqi iqtisodiy aloqalar, investitsiyalar va savdo vazirligi huzuridagi “O‘zinfoinvest” agentligi, “O‘zfarmsanoat” konserni, “O‘zeltexsanoat” kompaniyasi va Oziq-ovqat sanoati korxonalari uyushmasining taqdimotlari bo‘lib o‘tdi.

Tadbir yakunida turli sohalarda o‘zaro manfaatli hamkorlikni yanada kengaytirish bo‘yicha qator investitsiyaviy shartnomalar imzolandi.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi