Россия президенти Владимир Путин АҚШ президенти Барак Обама билан учрашувдан сўнг россиялик журналистлар саволларига жавоб берди, деб ёзади «Коммерсант».
Унда Путин таъкидлашича, Россия ва АҚШ муносабатлари даражаси Америка томони ташаббуси билан пасайган. Шу билан бирга, АҚШ, Путин сўзларига кўра, «бу биринчи планга чиқарилмаётган бўлса-да, Украинадаги вазият бўйича музокараларда фаол иштирок этмоқда.
Россия президенти матбуот анжуманида Пётр Порошенко БМТ Бош Ассамблеяси мажлислар залини унинг нутқи чоғида тарк этганига бўлган муносабатини билдирди. Путин ўзининг чиқиши давомида Порошенко йўқлигини сезмаганини айтди, бироқ шахсиятга тегмаслигини таъкидлади.
«Дунё етакчиларининг барчаси ҳозир бўлиши муҳим ҳам эмас», — дея қўшиб қўйди у.
Эслатиб ўтамиз, Нью-Йоркда АҚШ президенти Барак Обама ва Россия президенти Владимир Путиннинг икки йил ичидаги биринчи икки томонлама учрашуви бўлиб ўтди.
Изоҳ (0)