“Soyuz TMA-16M” kemasining kapsulasi Xalqaro fazoviy stansiya ekipajining uch a’zosi bilan birga Qozog‘iston dashtiga muvaffaqiyatli qo‘ndi. Bu haqda “Gazeta.ru” xabar bermoqda.
Uning bortida rossiyalik Gennadiy Padalka, daniyalik Andreas Mogensen (Yevropa kosmik agentligi vakili) va qozog‘istonlik kosmonavt Aydin Aimbetov bor edi. “Qutqaruvchilar qurilmaning lyukini ochib, kosmonavtlarning kapsuladan chiqishiga yordam bermoqda”, — dedi Parvozlarni boshqarish markazi vakili.
Tibbiy ko‘rikdan so‘ng kosmonavtlar Qozog‘iston poytaxti Ostonaga olib boriladi, u yerda mustaqil Qozog‘istonning kosmosda bo‘lib qaytgan birinchi kosmonavti sharafiga mamlakat prezidenti Nursulton Nazarboyev bilan uchrashuv bo‘lib o‘tadi.
O‘z navbatida, Gennadiy Padalka fazoda bo‘lish bo‘yicha jahon rekordchisiga aylandi. Besh parvoz davomida u 878 kunni Yerdan tashqarida o‘tkazdi. Stansiyada qolgan amerikalik astronavt Skott Kelli esa hamkasblarining muvaffaqiyatli qo‘ngani bilan tabrikladi.
#Soyuz plasma trail lights the way home. Welcome back to #Earth, guys! pic.twitter.com/Cw3c4wQA1T
— Scott Kelly (@StationCDRKelly) September 12, 2015
Izoh (0)