O‘zbekistonda Xitoyning Meizu kompaniyasiga tegishli Meizu M2 mini smartfoni sotila boshladi, deya xabar bermoqda “Mobinfo.uz”. U Meizu M2 Note LTE-smartfonining kichraytirilgan versiyasidir.
Smartfon korpusi yaltiroq plastikdan ishlangan. Shuningdek, u to‘rt yadroli Cortex-A53 protsessori, 5 dyuymli ekran, 2 GB tezkor va 16 GB ichki xotira, 13 megapikselli asosiy va 5 megapikselli old kamera, 2500 mA/soat sig‘imli akkumulyatorga ega.
Meizu M2 mini Android 5.1 asosidagi Flyme OS 4.5 operatsion tizimida ishlaydi.
Toshkentdagi “Fleshka” savdo majmuasida smartfonni 900 ming so‘mga xarid qilish mumkin. Taqqoslash uchun, Meizu M2 Note 1 million so‘mdan sotilmoqda.
Izoh (0)