Toshkentda bir qator ko‘chalar kapital ta’mirdan chiqariladi

Toshkent shahridagi markaziy ko‘chalardan foydalanish, ularni ta’minlash va ta’mirlash bo‘yicha maxsus boshqarma poytaxtning bir qator ko‘chalarini kapital ta’mirdan chiqarish bo‘yicha tender e’lon qildi, deya xabar bermoqda “Gazeta.uz” “Toshkent oqshomi” gazetasiga tayanib.

Ko‘chalarni 30-noyabrgacha ta’mirlab bo‘lish rejalashtirilmoqda. Loyiha shahar hokimiyatining mahalliy byudjeti hisobidan moliyalashtiriladi.

Mirobod tumani:

• Kichik Beshyog‘och (Kichik halqa avtomobil yo‘lidan Nukus ko‘chasigacha) — ishlarning dastlabki bahosi: 492,652 million so‘m QQS bilan;
• Kichik halqa avtomobil yo‘li (Avliyo ota ko‘chasidan Turkiston ko‘chasi, Shimoliy vokzal transport tunneligacha) — 354,166 million so‘m.

• Chilonzor Oqtepa ko‘chasi (Oqtepa maydonidan M. Obid ko‘chasigacha) — 354,526 million so‘m.

• At Termiziy ko‘chasi (Shohjahon ko‘chasidan O‘rikzor ko‘chasigacha) — 298,061 million so‘m.

• Beshariq ko‘chasi (Toshkent halqa avtomobil yo‘lidan Izzat ko‘chasigacha) — 1,486 milliard so‘m (muddat — 3-noyabrgacha).