Turkiyada Kurdiston Ishchi partiyasi (KIP) jangarilari politsiya xodimlari hamda oddiy fuqarolar ketayotgan avtobusni portlatib yubordi. Bu haqda The Daily Sabah xabar bermoqda.
28-avgust, juma kuni kechki payt mamlakat janubi-sharqidagi Mardin viloyatidagi estakadaga qo‘yilgan bomba portlashi oqibatida 24 kishi, jumladan, o‘n nafar politsiyachi yaralandi. Ular mahalliy kasalxonalarga yotqizilgan. Xavfsizlik xizmatlari ushbu qo‘poruvchilikni uyushtirgan kimsalarni topish bo‘yicha maxsus amaliyotni boshladi.