O‘zbekistonda eng ulug‘, eng aziz bayram – mustaqillikning 24 yilligiga qizg‘in hozirlik ko‘rilayotgan shu kunlarda Buxoro shahrida “Shirin” bolalar markazi foydalanishga topshirildi, deb xabar beradi O‘zA.
“Shirin plaza fayz” mas’uliyati cheklangan jamiyati tomonidan tashkil etilgan markazda bolajonlarning miriqib dam olishi uchun barcha sharoit yaratilgan.
“Shirin” bolalar markazi “Asakabank”ning viloyat filiali tomonidan ajratilgan 800 million so‘mlik krediti evaziga barpo etildi. O‘ndan ziyod yoshlar ishlayotgan markaz binosining birinchi qavatida parhez taomlar oshxonasi faoliyati yo‘lga qo‘yildi. Ikkinchi qavatdagi yigirmaga yaqin attraksion soatiga 50 bolaga xizmat ko‘rsatadi. Yumshoq o‘yinchoqlar bilan jihozlangan maxsus maydoncha ham ular ixtiyorida.
Buxoro shahar hokimligidan olingan ma’lumotlarga ko‘ra, joriy yilning o‘tgan davrida tadbirkorlarning 2,6 milliard so‘mlik mablag‘i hamda tijorat banklari tomonidan ajratilgan 2,2 milliard so‘m miqdoridagi kredit hisobiga 74 loyiha amalga oshirilgan. Natijada 173 yangi ish o‘rni yaratilgan.
Izoh (0)