Futbol bo‘yicha O‘zbekiston olimpiya terma jamoasi 28-avgust — 9-sentabr kunlari Slovakiyada tashkil etiladigan xalqaro musobaqada qatnashadi. Bu haqda O‘zbekiston futbol federatsiyasi matbuot xizmati xabar bermoqda.
Viktor Jalilov boshchiligidagi O‘zbekiston U-23 terma jamoasi 27-avgust kuni Toshkentda yig‘iladi va 28-avgustda Slovakiyaga uchib ketadi. Ushbu turnirda O‘zbekiston olimpiya terma jamoasi Slovakiya, Saudiya Arabistoni, Iordaniya hamda Birlashgan Arab Amirliklari olimpiya terma jamoalariga qarshi maydonga tushadi.
O‘zbekiston olimpiya terma jamoasi murabbiylar shtabi Slovakiyadagi musobaqaga quyidagi futbolchilar bilan birga boradi: darvozabonlar — Akmal Tursunboyev (“Paxtakor”), Abdumavlon Abdujalilov (“Neftchi”);
himoyachilar — Sardor Rahmonov (“Neftchi”), Boburbek Yo‘ldoshev (“Lokomotiv”), Doston Tursunov (“Neftchi”), Javlon Mirabdullayev (“Metallurg”), Akromjon Komilov (“Bunyodkor”), Maksimilian Fomin (“Buxoro”), Sirojiddin Rahmatullayev (“Mash’al”);
yarim himoyachilar — Diyorjon Turopov (“Olmaliq”), Otabek Shukurov (“Buxoro”), Jahongir Abdumo‘minov (“Olmaliq”), Nikita Pavlenko (“Olmaliq”), Jaloliddin Masharipov (“Paxtakor”), Muroj Rajabov (“Sho‘rtan”), Ikrom Aliboyev (“Lokomotiv”), Quvondiq Ro‘ziyev (“Qo‘qon-1912”), Doston Hamdamov (“Bunyodkor”), Temur Hakimov (“Oqtepa”);
hujumchilar — Jasur Hakimov (“So‘g‘diyona”), Shohruh Dostonov (“Mash’al”), Murodbek Bobojonov (“Neftchi”), Zabihillo O‘rinboyev (“Bunyodkor”).
Ma’lumot uchun, Slovakiyadagi musobaqa O‘zbekiston olimpiya terma jamoasining 2016-yil yanvar oyida Qatarda bo‘ladigan Osiyo chempionatiga tayyorgarlik jarayonining bir qismi hisoblanadi. Qatardagi Osiyo chempionatida Rio-2016 Olimpiadasi yo‘llanmalari taqdiri hal bo‘ladi.
Izoh (0)