Rossiyaning “Sever” batalyonining sobiq jangchisi Zaur Dadayev qo‘lga olingan vatqida uning qo‘lida Ramzan Qodirovning surati tushirilgan mukofot soati bo‘lgani, biroq keyin u qayergadir yo‘qolganini ma’lum qildi, deb xabar bermoqda “Gazeta.ru”.
“Rosbalt” nashri Rossiya huquqni muhofaza qiluvchi organlaridagi manbalarga asoslanib xabar berishicha, Dadayevning bu yuzasidan yozma ko‘rsatmasidan tashqari uning so‘roqqa tutilgani tushirilgan videolavha ham bor.
Eslatib o‘tamiz, Zaur Dadayev 2015-yil fevral oyida Moskvada rossiyalik muxolifatchi Boris Nemsovni o‘ldirganlikda gumonlanib, hibsda saqalnmoqda. Avvalroq, Checheniston rahbari Ramzan Qodirov Dadayevning ushbu qotillikka aloqasi yo‘qligini ma’lum qilgan.
Izoh (0)