ОАВ: Заур Дадаев қўлга олингач, Қодировнинг портрети туширилган мукофот соати йўқолганини маълум қилди

Россиянинг «Север» баталёнининг собиқ жангчиси Заур Дадаев қўлга олинган ватқида унинг қўлида Рамзан Қодировнинг сурати туширилган мукофот соати бўлгани, бироқ кейин у қаергадир йўқолганини маълум қилди, деб хабар бермоқда «Gazeta.ru».

«Росбалт» нашри Россия ҳуқуқни муҳофаза қилувчи органларидаги манбаларга асосланиб хабар беришича, Дадаевнинг бу юзасидан ёзма кўрсатмасидан ташқари унинг сўроққа тутилгани туширилган видеолавҳа ҳам бор.

Эслатиб ўтамиз, Заур Дадаев 2015 йил февраль ойида Москвада россиялик мухолифатчи Борис Немцовни ўлдирганликда гумонланиб, ҳибсда сақалнмоқда. Аввалроқ, Чеченистон раҳбари Рамзан Қодиров Дадаевнинг ушбу қотилликка алоқаси йўқлигини маълум қилган.